[walaa farouk]

انا .... انا بنت كنت زيكم بريئه
انا مش كدابه ولا بكاشه صدقونى دي الحقيقه
انا عايزه اكلمكم عن نفسى ........... لكن !!
لكن خايفه ... خايفه من نظراتكم اللى بتطردنى بره الخليقه
ما انتوا لو تعرفوا حكايتى .. لو تحســـوا ... لو تفهمـــــوا ..
لو تسمعـــــــونى ولــــو دقيقــــــه
ولا بلاش !! يعنى هو انا كان مين سمعنى
ولا حس بيا وانا قلبى مولع حريقه
خلينى ساكته وكاتمه وجعى و ذلى يمكن تكون دى احسن طريقه
خلينى بنزيف جوانى ووش مرسوم عليه ضحكه رقيقه
هو انا يعنى مين عشان اكون جريئه
ولا هو مين ممكن يساعدنى لو عرف الحقيقه
خلينى محبوسه فى بحور الدموع الغريقه

بنتى !!

صوت مين ده ؟؟

انا هـــــــــــو
انا اللى بكاكى بكانى
وفرحـــــك يفـــرحنـــى
انتى مش لوحدك
انا هنا من اول الحكايه جمبك ومفرقتكيش عنيا
انا ..... انا مقوم لعازر والمنحنيه وغافر ذنب السامريه
وانا اللى نازفه الدم لسنين بأيديا بقيت مشفيه

انا ... انا .. طول عمرى وحيده ومتروكه محدش بيفكر فيا
انا ديما حاسه انى ميته مليش قيمه وكأنى دميه مرميه

يا بنتى انا حبيتك
انتى غاليه عزيزة ومكرمه فى عنيا

انا !!!
انا يامه اتمنيت حد يخبط على بابى مش لمصلحه
لكن عشان يسأل عليا
يامه غرقت دموعى مخدتى لحد ما جسمى وجعانى
وانا برضوا لسه منسيه
انت رب المدعوين الحلوين انت ساكن فى ابراجك العاليه

لا يا بنتى
انا مش كلمات جميله تلمس المشاعر وتصبح منسيه
انا رجل اوجاع سحقنى الحـَـزن
انا مش ساكن فى ابراج عاليه

احكيلك ايه كمان
احكيلك غدر اعز الاصحاب
ونسيان اللى كنت فكراهم حواليا
ولا شعورى بفقدان السند والضهر
ولا فقدان الحب والامان والحنيه
ولا عن احلامى اللى ماتت فى بحور الغدر والاذيه

احكيلك انا كمان عن يهوذا اللى غدر بيا
ولا بطرس اللى انكرنى وجدف عليا
ولا ... ولا اقولك على تلاميذى اللى فى وقت ضيقى اختفـــوا وسابونى لوحديا

عرفتى
عرفتى انى مجرب وحاسس بيكى
ومش رب شعارات او كلماته رنانه وقويه

لا متحاولش تقنعنى انك جمبى ولا حواليا
متحاولش تقول انى ممكن اقوم من موتى وكسرتى وابقى مشفيه
انا مش فى زمن لعازر والسامريه والقوات المعجزيه
انا زمنى زمن الذئاب والوحوش المفتريه

انا الصدق فى زمن الطرق الملتويه
انا اقوى من الوحوش المفتريه
انا .. انا هو امبارح والنهارده وللأبد هكون أله العجايب القويه

لالا انا خلاص..