[walaa farouk]

يعني ايه تتجوزي واحد بينكوا قصه حب !

يعني اي شكليات الاهل بيتفقوا عليها مع بعض انتوا مش شاغلين دماغكم بيها ..يعني كل حاجه ماشي وحاضر لمجرد ان يجمعكوا بيت .. يعني انت تنزلي تنقي اجمل فستان تلبسيه ووانتي بتشتريه بيكون كل تفكيرك هو هيعجبه هو ولا لا .. يعني قبل الفرح بشهر ولا اتنين تبقي بتجهزي كل حاجه بكميه فرحه وسعاده رهيبه .. يعني اليوم اللي قبل الفرح هيجي يقف تحت البلكونه ويقولك بكرة هنكون سوا خلاص زي دلوقتي هتكوني في بيتنا .. يعني يوم الفرح تكوني مش مصدقه انك خلاص بقيتي معاه وليه وبتاعته بجد مش مجرد كلام .. هتكوني من فرحتك مش شايفه غيره .. هترقصي زي الهبله وكل ماعينك تيجي في عينه هتضحكي وتحضنيه .. يعني لما تكوني حامل هتكوني خايفه ع نفسك جدااً مش عشانك لا ده عشان في حته منه في بطنك وهو لو يطول يشيل عنك بطنك هيعملها :'D .. يعني يساعدك في الاكل وشغل البيت وهو مبسوط جداً ومستني البيبي بتاعكوا بردو .. يعني يوم الولاده هيكون سندك بطريقه غبيه ويكون كاره البيبي في اليوم ده عشان هيكون تعبك كده .. والولاد يكبروا و و و وهيفضل هو يحبك ويحبك بنفس الجنان والشغف بتاعكوا قبل الجواز .. اللي هو هيفتكر كل تفصيله رفيعه مابينكوا مهما كبرتوا .. اللي هو وقت ماولادكوا واحفادكوا يتجمعوا عندكوا في البيت ساعتها هيميل ع كتفك ويقولك كبرنا والله بس لسه بحبك ،،فاكرة ياام ايام الشقاوة ! ❤😃
اتجوزوا عن حب ..💙