[walaa farouk]

صديقه بعتتلنا عمل ربنا معاها اللى نجاها من فخ الصياد
وحده عندها 30 سنه مش مرتبطه واحساسها انها كبرت فى السن ومش لاقيه حد ترتاحله وعياط امها كل يوم نفسها تفرح بيها وتشيل عيالها والبت تعب من كتر ايه مش هنفرح بيكى ايه مفيش جديد النفسيه وحشه والبيت كله بيصرخ يارب .. كان بيتقدملها بس الى مترتحلهوش ولا موضوعه يخلص من بره بره .. وفجأه تيجى وحده تقولها ليكى عندى عريس بيشتغل شغلانه كويسه تقدر تفتح بيت وبيقبض المرتب كويس جداا يعنى عريس ميترفضش البت مصدقتش ان ممكن يكون حلمها بدأ يتحقق وخلااص هتفرح وتفرح امها وفرحت جداا وقابلت الشخص وجه اتقدم وقدملها كل الحب والاهتمام وهى اعتبرت ان ده تعويض ربنا وحبيته .. وفى يوم جه يتغدى عندهم البت بالصدفه لقيت موبيله قالت تشوفه بصت عليه لقيت علفيس عنده مسجات من ستات ومسجات قذره جدااا .. البت وجهته قالها معلش ومش هعمل كده تانى قالت تسامحه وبكره يبطل ومكنتش ان فى اكتر من كده وعدى ايام ومسكت موبيله تانى عشان تعرف بطل ولا زى ماهو ولقيته بيكلم وحده وصور قذره مع كلام اقذر بكت البنت ووجهته قدام اخته رد عليها بكل وقاحه قالها عشان الفضيحه دى اللى عملتهالى قدام اهلى كل اللى جربته من علاقات هطلعه فيكى بعد الجواز وفى ساعتها البت اغمى عليها من كلامه ومن الصدمه ازاى ده يطلع منه كده ويقولها الكلام ده وفى الحال قطعت العلاقه وعرفت ان ده كان فخ من ابليس فى صوره ان ده تعويض من يسوع وشكرت ربنااا جدااا على حنانه وهى دلوقتى مبسوطه كده ومنتظره تعويض ربنا اللى بجد اللى من ايد يسوع ومش هتستعجله تانى ومستعده تعيس كده طول عمرها ولا انها تدبس فى جوازه فاشله .. ليتمجد اسم الهنااا

عايزه اقولك برافو انك ماستسلمتيش ولا يأستى ولا قولتى جوازه والسلام
اتمسكى بوعود الله النور يابنتى لا يتفق مع الظلمه