كنت عايزة استشير حضرتك فى احسن طريقة اوصل فيها لاطفال
انا بشتغل معاهم سنهم من 7:9 سنين
عايزة اوصلهم مفهوم القدوة مثلا لو قصة او مسرحية
الأجابه
الاطفال بتتعلم ب 3 حاجات
القدوة العملية
النقاش
النصيحة
أقواهم القدوة العملية يعني اللي بيشوفه
ثم النقاش لماذا نفعل ذلك
ثم النصيحة و التوجيه و ده اضعفهم لو انت بتعمل عكسه
لو عاوز تستفيدي باقصى نتيجة فى تعليمهم بالمسرحية
يبقى لازم تحكيلهم القصة بالمشاعر
لازم تدخلي القصص بالمشاعر
لازم يحسوا بدور كل واحد منهم
لازم يحلموا به
احكيلهم و شوقيهم و اشعريهم بجمال الدور الذي يقوم به
و فى نفس الوقت
احكي و اتناقشي معاهم
و كمان اطلبي من كل واحد منهم يعمل حاجات معينة فى البيت كواجب عملي