بنتي عندها تسع سنين ..
بتتابع مسلسل هندي مدبلج لبناني مابيعجبنيش ...
وبحس انه مسخرة .. حاجة كده كلها محن واحضان وخلافه ..
المشكلة انها بقت بتعيط وبستقتل عليه لما اقلب المحطة مثلا مهما قلتلها ده عيب ومايصحش باوصل اني مابسمعلهاش وازعق واروح قالب المحطة
...
طبعا حضرتك عارف ان الجيل ده عنده يوتيوب ونت ويقدر يشوف ال هو عايزه فاي حتة فاي مكان
مش عارف اعمل ايه بصراحة واخليها تبطل المسلسلات ال من النوع ده ازاي ...
خصوصا اني لاقيتها حاطة صورة البطلة علي صفحتها بروفايل كمان
الاجابة:
اولادنا بيربونا وده بطريقتين
اما انهم يخلونا نتغير للاحسن عشان ميقلدوناش
زي الاب اللى يبطل سجاير او يبطل الكلام المش مؤدب فى البيت عشان الولاد ميقلدهوش
او ان الابن يربيك ان طلباته بس اللى مجابة يعني لو طلبه متفذش هيرمي نفسه فى الارض و يعيط او الام او الاب يضغط على الطرف التاني انه يسيبه وحرام عليك
او تدخل الجد و الجدة ودلعهم للطفل
عاوز تربي ابنك خليك حازم معاه
جو الزعيق و القفش و الضرب ده مش حزم
لانه مش تربية
التربية اهم عامل فيها الوقت
غير كده انسى
الطفل بيتعلم بثلاثة اشياء
التقليد
المناقشة
التوجيه
الزعيق مش تربية
الزعيق مش تربية
الزعيق مش تربيه
العنف مش تربيه
المنع مش تربيه
الهجر مش تربيه
عاوز تخلى بنتك تبطل فرجة اديها بديل
و اديها وقت
و اديها حب انها تقعد معاك