[Rena Jesus]

أنا مين؟!!!



أنا مش بس أم بتفرح انها حامل و هتجيب بيبي،
بتفرح عشان ترضعه و تشوفه بيكبر.
بتحب تربي و تهتم و تكبر و تشكل و تضبط و تقدم أحسن حاجة لعيالها.
بتحب تشوف حياة في طفل بتكبر كل يوم عن التاني،
عاوزة تدي عيالها كل اللي عندها و أكتر.
مستعدة تموت نفسها حتي علشان تحمي عيالها،
بتفرح و هي بتدي كل اللي عندها علشانهم.
بتحب تشوفهم فرحانين مرتاحين في أحسن الحالات النفسيه و الجسدية،
قلبها تاعبها طول الوقت علي عيالها،
تقول يا ماما يا قلب ماما،
عمرها ما تزهق من الكلمه ده بتفرح بيها طول الوقت.

ولا بس ست عاوزة تخلي بالها من نفسها و شكلها و لبسها،
عاوزة تقضي وقت حلو مع جوزها اللي هو راجل بتحبه، و بيحبها
اختارت انها تشاركه الحياه لأنه طريقهم شبه بعض،
راجل شايفها و معجب و مقدرها.
ست بتحب تسند علي الراجل و تحس إنه واخد باله منها،
مسئول عنها بيغيير عليها،
بيفرح لما يشوفها، بينبسط بوجودها بيحب يسمعها.



و لا بس طفل....
يعني مشاعر و بيحس و بيعيط و بيخاف و بيفرح و بيضحك و محتاج للحب و مشتقاته القبول، الاهتمام، التقدير، الإعجاب، الرويه التواصل، التشجيع.

ولا بس شخص ناضج،
عاوز ينجز ويحقق و ليه أحلام و طموحات، و إرادة و فكر، و شخصيه بتاعتي.

أنا دول كلهم في واحد محتاجة أتعلم التوازن
و أدي كل حته جوايا حقها علشان اقدر أعيش مرتاحة.....
محتاجه حد يفهمنى حد يقولى انا فى جنبك واقف فى ضهرك
من الأخر كده محتاجه معينى ونظيرى