علي فكره .. ربنا بيغير عليك
..
بيغير عليك لما بتقضي اليوم كله تكلم صحابك ع الموبايل والشات وتستكتر عليه 5 دقايق تكلمه وقت الصلاه ..
بيغير عليك لما بتقعد مع ناس بتحبها اكتر ما بتقعد معاه ..
بيغير عليك لما بتحكي اسرارك لغيره وبيبقالك حضن غيره تجري عليه ..
بيغير عليك لما بيحس انك بتحب حد اكتر منه .. وبالك مشغول بحد تاني ..
زمان لما شعب اسرائيل عمل تمثال وسجد ليه ..
ربنا زعل واتضايق وصعب عليه منهم ..
وقال لموسي قول للشعب : ان الرب اله غيور
ربنا عايزك تحبه من كل قلبك .. يكون بالنسبالك رقم واحد ..
متحبش حاجه او حد اكتر منه مهما كان غالي عندك .. متتاخدش منه ومتنشغلش عنه
اللي بيحب حد بيغير عليه .. وربنا بيغير عليك لأنه بيحبك
"مينا مجدي"