وفتحت الفيس فلاقيت
كل الخدام فاتحين !
فقفلت بسرعة عشان
الرب وحيد و حزين ..
أنا فاكر كل كلامه
ايام بستان جثيمانى
كان شايل هم كبير
ودموعه دى كات علشانى
سامع صوته المجروح
بيقولى أنا كنت بعانى
مع ذلك ناس بتروح
وبتبعد وبتنسانى !
قولتله يارب خسارة
اللى بتعمله علشانى
من فضلك قولى أمارة
علشان تحمل أحزانى
أنا واحد مات مديون
وشيطانى يارب غوانى
وبقيت خاطى وملعون
وسواد الدنيا ملانى ..
راح قالى أنا هادفع كاش
بالدم ومش بلسانى
وعشان خطاياك تنحاش
مش عايزك تغلط تانى ..
مش عايزك تغلط تانى ..
قولتله يارب هاطيعك
وهانفذ كل كلامك
ولاقيتنى رجعت أبيعك
ورجعت أغلط قدامك !
ورجعت أغلط من تانى !
"بيشوى سامح"