الحاسه السادسه عند المزه
ياتري حلمتي مره ان جوزك او خطيبك بيخونك واتضح مع الوقت انه فعلا بيعمل كده ؟
حصل ان حد اتقدملك ولقيتي نفسك مقبوضه جدا منه وطلع فعلا ان احساسك حقيقي ؟
لو ده حصل يبقي حضرتك عندك نشاط في الحاسه السادسه وده بسبب انك عاطفيه جدا وقلبك عنده قدره كبيره علي التوقع .
الحاسه السادسه مش واحده من الحواس التقليديه - السمع البصر الشم اللمس التذوق - لكن دي حاسه فطريه موجوده عند كل البشر بنسب مختلفه وبنسميها نداء القلب ، وطالما الموضوع فيه قلب وعاطفه طبيعي يبقي انشط عند المرأه .
بس اهم حاجه اوعي تخلطي بينها وبين الخوف المرضي ،
زي الأم اللي دايما بتحلم ان واحد من ولادها هايحصله حاجه لانها بتحبه زياده ،
او زي البنت اللي دايما حاسه انها هاتتجوز راجل سئ لانها اخطأت في بدايه حياتها ،
وهنا استسلامها للفكره بيخلي المصيبه تحصل بموجب قانون الجذب
علشان كده دايما احسني الظن وماتراقبيش ولا تفتشي ولاتخافي إلا اذا لقيتي خيط ،
ساعتها امشي وراه وهاتوصلي للحقيقه ،
الخلاصه ،، دايما حكمي عقلك بدون تجاهل لنداء قلبك ،
اما بالنسبه للبنات اللي بتحس ان حاسه الشم عندها اقوي من اي حاسه تانيه ضروري تعرض نفسها علي طبيب بيطري .