[walaa farouk]

دايما ياقلبى نصيبك اوجاع دايما معايا عايش في صراع
ابتسامه مكسوره وسط دموع الم وهم ملئ الضلوع
لمسه منك يايسوع تشفى قلبى الموجوع
انت الطبيب وشافى كل الجروح انت سيد قلبى وملك الروح
تعالو نرجع لربنا
مساكين واحنا بعاد عن ربنا .. لاننا عن المحبه مفصولين
ليه دفنا ف الخطيه نفسنا .. وفى طريق الوحل ماشيين
ومسكنا ف عالم زايل .. وتركنا الفادى الامين
وقلوبنا امتلأت بالاسى .. وبتصرخ من الانين
والعيون نامت بالبكى .. ومش عارفين نروح لمين
للناس اللى انشغلو زينا .. وفى هموم الدنيا عايشيين
وبيدور دايما ع الغنى .. ولشهوات العالم مشدودين
ولا نبكى ونقول ده حظنا .. ونهرب من قدرنا لفين
ونشكى لمين وجع قلبنا .. واللى بقاله ف الالم سنين
مش احنا اللى اختارنا دربنا .. واعتمدنا على زراع البنأدمين
شوف قد ايه راح من عمرنا .. وبقينا ف العالم تايهيين
ومهما كانت ميه شربنا .. بعيد عنه هنفضل عطشانين
تعالو نرجع لربنا .. واللى فدانا بدمه الثمين
خليه يرجع تانى لينا .. ده هوا جه للمحتاجين
عشان يشفى امراضنا .. ويضمد جراح المجروحين
وفى الشده يحارب عننا .. ويكون لينا المعين
وبيه ندوس الخطيه بأقدامنا .. وبرحمته نكون مبررين
تعالو نسكنه قلبنا .. ونكون فى احضانه ساكنين
ويصبح هوا حبنا .. ونكون ف محبته سالكين
ونلبسله توب الهنا .. ونكون ف حضوره فرحين
ونملآ حياتنا بالغنى .. ونسبحلو ف كلى حين
ونقوله حمدآ يامن فدتنا .. لك المجد الى الابد امين