[Rena Jesus]

اختاري :
بطه بلدي ولا بطه بريه ؟

الرائع أمل دنقل له قصيده تحفه اسمها الطيور ،
هاسرق منها اللي يناسب الموضوع:

الطيورُ التي أقعدتْها مخالَطةُ الناس,
مرتْ طمأنينةُ العَيشِ فَوق مناسِرِه
فانتخَتْ
وبأعينِها.. فارتخَتْ,
وارتضتْ أن تُقأقَىَء حولَ الطَّعامِ المتاح
ما الذي يَتَبقى لهَا.. غيرُ سَكينةِ الذَّبح,
غيرُ انتظارِ النهايه.
إن اليدَ الآدميةَ.. واهبةَ القمح
تعرفُ كيفَ تَسنُّ السِّلاح!

الشاعر هنا بيوصف البطه البلدي ، وعلماء البايولوجي بيأكدو كلامه ، وبيقولوا ان الانتخه كان قرار و اختيار البطه البلدي من كذا الف سنه ،
بيحلفوا ان كان عندها حريه واستقلال وهدف وجناحات قويه زي البطه البريه بالظبط ،
بس هي استسهلت وقالت خليني مأنتخه بلا طيران بلا وجع قلب ،
واذا كان علي الأكل اهو اي حاجه هاتقع من بقايا الطيور هاكلها ،

شافها الانسان وعمل معاها الصفقه اياها ، تعالي اقعدي عندي في البيت ،
منتهي الامان تاكلي وتشربي ببلاش وبدون اي مجهود ،
لاتخافي من برد ولا من حر ولا من صياد ، تسمني وتتخني وتربربي ، تنسي الطيران والحياه والحريه والطموح ،
يعني هاديكي ببلاش اهم حاجتين محتاجاهم ...
البقاء والامان ، بس بشرط ، لما اعوذك هادبحك وأكل كل اللي دفعته فيكي .
البطه قالت موافقه فسماها بطه بلدي .

البطه البري بقي من يومها طموحه ومتمرده ومابتخافش ،
العمر واحد والرب واحد ،
انهارده الاقي أكل واجوع بكره مش مشكله ،
المهم ماحدش يسجني ، من حقي يكون ليا حياه ،
واموت وقت مايجيلي اجلي مش وقت مايقرر الممول .

ها... فهمتى ياوزه

ايه لغه العشش اللى احنا فيها دى
المهم بقى يلا اختارى
بطه بلدي ولا بطه بريه ؟؟؟؟؟