ـ تحب برد الشتا
مع ريحة الأسيتون
و تحب شكل السيلفي
فـ كاميرا التليفون
بتحب ريحة اليود
و تحب ريحة العود
و بتحب وقت الزعل
ماتبانش متأثرة
بتحب صوت السِتّ
و تحب سيرة الحُب
و تحب شوق السفر
و تحب طعم القُرب
بتحب كُل الغُرب
و تحب تندهلهم
بتحب ناس بتغيب
و تحب ترجعلهم
بتحب كل جَميل
و تحب نص و نص
و تحب لما تميل
تبقى الأساس و الأُس
بتحب نور الفجر
و تحب ضل السَهر
و تحب شكل المطر
و القعدة جمب الشيش
بتحب تزرع شوك
و تحب تزرع ورد
بتحبب طوب الأرض
لكن ماحبتنيش !