[walaa farouk]

ربنا مبينساش ، اه مبينساش ، مبينساش تعبك فى كل قليلة ووكل صغيرة وكبيرة تعبتها وملقتلهاش مقابل ،، مبينساش كل وجع اتوجعته من كلام اتقالك او افعال جرحتك من اقرب الناس ليك او حتى ابعدهم ،، مبينساش كل تنهيدة اتنهدتها بينك وبين نفسك او حتى قدام الناس كانت طالعة جوة منك مكتومة كان هو حاسسها ،، مبينساش كل دمعة نزلت من عيونك فى عز ضيقتك والمك من اوجاع قابلتك فى حياتك كان هو شايفها وبيحصاها ،، مبينساش كل كلمة حلوة قولتها وكان نفسك تتقابل بكلمة حلوة زيها بس متقابلتش ،، مبينساش صبرك فى عز ضيقتك وانت بتصرخ من جواك ومحدش سمعك غيرك كان هو سامع صرختك وحاسس بيها ،، مبينساش كل كلمة كنت بتقولها جواك ومحدش سامعك ولا عارف اللى انت بتقوله ايه الا غيرك كان هو عارف بتقول ايه وايه اللى بيدور فى دماغك ،، مبينساش كل ظلم شوفته فى حياتك من ناس متخيلتش انى هيجى منهم الظلم ده لكن جه للاسف ووجعك هو مبينساهوش ،، مبينساش كل مرارة دوقتها واتعلقت فى ذهنك بعلئمها المر هو مبينسهاش ،، مبينساش كل كسرة اتكسرتها من القريب قبل الغريب او حتى فى حياتك هو مبينسهاش ،، مبينساش كل خطوة بتخطيها حتى لو كانت صغيرة هو مبينسهاش ،،مبينساش كل طلبة بتطلبها بينك وبين نفسك وبتقف تطلبها منه فى سرك هو سامعها ومبينسهاش ، اه مبينسهاش مفيش حاجة عند ربنا بتتنسى ولا بتروح حتى كلمة ( بخ ) عند ربنا مبتروحش ولا بتتنسى ، الناس بتنسى لكن ربنا مبينساش ..
كل حاجة هتتردلك اضعاف اضعاف لانى ربنا مبيبتش " مديون لحد " علشان جبر الخواطر من عنده وجبر القلوب مببتجبرش الا من ايد اللى خلقها
( ويشفى منكسرى القلوب ويجبر جميع كسرهم ) ربنا ما بياخد الا ما بيدى اضعاف اضعاف مفيش حاجة عند ربنا بتتنسى ابدا ً ، اطمن كل كلمة مبتنساش ديه هتلاقى مقابلها فى حياتك علشان مفيش حاجة عنده بتتنسى ( ان نسيت الام رضيعها فانا لا انساكم ) . فمتنساش انت انه هو مبينساش .. <3