[walaa farouk]

عيد الهالوين .. ( عيد الرعب - الهلع ) !! واخدين بالكم من معنى الاسم ...!

اغلب الناس دلوقتي بقت بتحتفل بيه، بتاخده على انه لعبة أو عيد بيفرحوا فيه بالمقالب اللي بتحصل في الناس، وبيختاروا يلبسوا هدوم عليها شكل اشباح واشكال ساحرات شريرة وبيقروا قصص مخيفة وبيتفرجوا على افلام رعب واكتر شكل معروف عن عيد الهالوين شكل قرع العسل، حتى الاطفال الصغيرين بيختاروا يتنكروا في اشكال شريرة !!

وفيه اسطورة بتقول بأن كل الأرواح الشريرة بتيجي تاني للأرض في الليلة دي .. العيد ده مش عيد للفرح، ده عيد للشيطان!!

انتوا متخيلين احنا بنعمل ايه في نفسينا او بنزع ايه في اولادنا الصغيرين لما بنخليهم يحتفلوا بحاجات زي كده، حتى لو احنا عارفين انه ده كله مجرد هزار!!

الكتاب المقدس بيقول وبيحذرنا كتير من الارواح الشريرة وقال صراحة أن الشرير ده يبقى ابليس رئيس هذا العالم، وكانت اغلب المعجزات اللي عملها يسوع كان اخراج ارواح شريرة وشياطين من الناس !!

مش كل حاجة الناس بتعملها احنا لازم نعملها .. احنا اولاد لله وعندنا تعليم مختلف عن تعاليم العالم, وفي ايه صريحة في الكتاب بتقول : لا تشاكلوا هذا الدهر .. أو بمعنى أوضح بلاش تتشبهوا بيهم وتبقوا زيهم لانكم مختلفين ..

وعلشان احنا عندنا حاجة مختلفة، لازم نقول للناس عليها ..