[Rena Jesus]

الصفع يؤثر على نمو الطفل و يؤثر على مستوى ذكاءه الـ "IQ"
ــــــــــــــــــــــــــــــــــــــــــــــــــ ــ




فيه دراسة اتعملت في مستشفى الأطفال في شرق اونتاريو بأتاوا بــكندا أثبتت أن صفع الطفل و عقابه جسديا بيؤثر على معدل ذكاءه و نموه ؟!
طبعا مفيش كلام نقبله من غير عقل ومنطق ؟! إزاي بقى ؟!
ــــــــــــــــــــــــــــــــــــــــــــــــــ ـ

وفقا لتقرير الدراسة ، الضرب بيؤثر على حاجة اسمها "Grey Matter" أو المادة الرمادية ، والمادة دي هي النسيج الضام "connective tissue" بين الخلايا العصبية سواء في المخ أو الحبل الشوكي ؟! و هي مكون مهم في الجهاز العصبي خصوصا انه موجودة بكثافة في مناطق الشعور الحسي و الحديث و التحكم العضلي والعواطف والذاكرة ...
ــــــــــــــــــــــــــــــــــــــــــــــ



وفي أبحاث أخرى كمان بتدعم النظرية دي بدليل طبي محسوس حيث أنهم وجدوا أن الأطفال و البالغين من الشباب اللي تعرضو في حياتهم للانتهاكات الجسدية أو الضرب نسبة الـ مادة الرمادية عندهم في الدماغ أقل من غيرهم اللي اتعاملو بشكل كويس بدون أي إيذاء جسدي !
ــــــــــــــــــــــــــــــــــــــــــــ

ساعات الضرب بيجيب نتايج فعلا !!
بس مش هيقلل السلوك غير المرغوب فيه من إبنك و مش معنى إنه مش بيعمله يبقى بطله ...
بالإضافة إنه ليه تأثيرات نفسيه و عاطفية هتأثر على مستوى الإبن في التعليم و ضيف عليه انعدام الثقة في المستقبل ما بين الطفل ووالده أو والدته ...
ده غير انه هيقلل تواصله الاجتماعي في المدرسة مع المدرسين ومع الطلبة
_______________



في 1979 السويد كانت أول دولة خلت ضرب الأطفال يعتبر خروج عن القانون في البيت أو المدرسة و من وقتها في 20 دولة مختلفة قررت تمنع الضرب ، وفي البعض الضرب فيها مباح لكن من الوالدين فقط ...