عارف انت العيل الرخم اللى يسيب ايد ابوه فى زحمه العربيات والشارع مدربك ومجنون ابوه بيعمل فيه ايه بقى لما يسيب ايده تلقائى كدا بيضربه على كف ايده ويقوله كدا كخ حبيبى هات ايدك ويروح شادد ايده بالعافيه وماسكه ويكمل مشى وسط الزحمه 😊
اهو العيل الرخم دا انا بس مش عاوز افضل رخم عاوز لما اسيب ايدك تلقائى تعمل كدا وبالعافيه تشدنى وتجيبنى ونكمل سوا الطريق 😆
عاوزك تقولى الكخ بعيد عن ايدى والموت كمان يبقى قريب لو انت سبت ايدى .
عاوزك تقولى انا هفضل واخد بالى منك حتى لو انت مش عاوز محدش هيخاف عليك ادى .
عاوزك تقولى هات ايدك وتمشى بيا وسط الخطر تكسر الفخ اللى عاوز يصيد رجلى ويوقعنى .
عاوزك بالمنفضه والفرشه بتوعك تنضف كراكيبى اللى عفرتنى معاها .
باختصار عاوز لما ابعد بمزاجى تجيبنى بحبك بالعافيه يعنى وتخبينى فى حضنك ونرجع نكمل .
عاوز حضن قلبك ابابا يخبينى