⁃ وهاتعمل ايه في الوقت اللي ربنا قرر يختفي فيه من حياتك؟
⁃ هامشي ورا آخر نور اداهولي، وأعيش علي آخر كلمات سمعتها منه.
⁃ وهاتعرف تعيش وأنت مش عارف ايه اللي بيحصل؟
⁃ ومين قالك اني محتاج اجابات.. أنا محتاجه هو.
⁃ بس هو قرر يختفي..
⁃ وأنا قررت أستناه.
⁃ وهاتفضل كدة لحد امتى؟
⁃ لحد ما هو يقرر يوقف كل ده، ويرجّعلي النور من تاني.
⁃ وأمتي ده هايحصل؟
⁃ صدقني معرفش.
⁃ أومال تعرف ايه؟
⁃ أعرف بس أنه راجع.
⁃ طب مفيش أي مُسكنات كدة لحد ما يرجع؟
⁃ اه فيه.. شوية النور اللي حاطهم جوايا قبل ما يمشي.
⁃ مش زعلان منه طيب؟
⁃ شوية بصراحة.. بس هو لما يرجع هايصالحني أنا متأكد.
⁃ ومين قالك أساساً انه راجع؟
⁃ هو قالي كدة، وأنا بصدقه.