[sama smsma]

جرب تتعامل مع ربنا كأنه حبيبك .. اول ما تقوم م النوم قوله صباح الخير يا حبيبي .. واحشني وواحشني الكلام معاك .. واجري علي اوضتك وارمي نفسك ف حضنه وابتدي اليوم بيه ومعاه .. وانت بتفطر قوله تسلم ايدك ع النعمه اللي بتبعتها كل يوم .. وانت نازل من بيتك قوله تعالي معايا .. رجلك علي رجلي .. ومش هروح مكان من غيرك .. جرب وانت نازل امتحان تقوله مش هوصيك عليا يا بابا .. انا عارف انك هتقوم بالواجب .. جرب لما تكون مخنوق ومش لاقي حد تتكلم معاه تروحله هو .. اجري عليه وقوله ماليش غيرك يارب .. ومعنديش حد غيرك اشتكيله .. وانت موجوع م الناس قوله خدني ف حضنك .. حضنك بيتي ومطرحي .. جرب تقوله يا بختي بيك .. انت نصيبي اللي طلعت بيه م الدنيا .. فضفض معاه واحكيله اللي جواك وانت مطمن وواثق انه سامعك .. وسامع صوت قلبك .. لو هتعمل حاجه تزعله متعملهاش .. قوله مقدرش اخون عهدي معاك .. ولو غلطت ارجع لحضنه وقوله حقك عليا يا حبيبي .. مقدرش علي زعلك .. ومستحملتش البعد عنك .. قبل ما تنام قوله تصبح علي خير يارب .. ونام مطمن .. خليه يشاركك شغلك ومذاكرتك وتفاصيل يومك .. خليه اقرب منك ليك .. جرب تتعامل مع ربنا الحبيب الوفي والصاحب الجدع .. جرب تدخله ف تفاصيل حياتك كلها .. وساعتها هتفرح من قلبك وتقول بكل فخر ..
❤ انا لحبيبي وحبيبى لى .