احساس الناس الايام دى متقسم كدا ..
1- ناس حاسين انهم مايتين وبيتحاسبوا كمان !! من اللى شايفينوا من الحياه والايام .
2- ناس فقدت اى أمل وأى حلم وعايشه وقت ويوم زى كل يوم .
3- ناس بتحاول تعدى الظروف وبتشجع نفسها وبتتمسك بأى شعاع ضى ينور الطريق .
4- ناس ولا هى هنا عالم تانى مغيبيين عن اى واقع وعايشين فى خيالهم لوحدهم
5- وناس ضايعه وناس تايهه وناس رايحه وناس جايه
طب انت من اى نوع ؟؟
أقولك خليك من نوع تانى مختلف
ابعد عن حسابات كل الناس أصل كله حسب حساباته
خليك فاللى خالق الناس اللى بيغير فى لحظه اى احساس اللى بيعدل المايل وبيشيل
اللى ملوش اى اساس ..
خلى إيمانك بربنا فوق كل الناس ..
خلى ايمانك بربنا ان كل حاجه عنده ماشيه بترتيب واتقان وللخير مش ماشيه كدا وخلاص .