( س ) و ( ص ) حبوا بعض جدا وعاشوا قصة الكل حلف بجمالها وفجأة انتهت في لحظة
وبعدها بأسبوع ( ص ) بيسيب ( س ) بكامل ارادته .. ويدخل قصة جديدة خالص وبيخطب بعدها بأسابيع
وضع اتكرر قصاد مني كتير
وهنا يبقي السؤال
هل ( ص ) كان علي علاقة بحد جديد في فترة وجوده مع ( س ) وساب ( س ) علشانه ؟؟
طيب في الحالة دي تبقي اسمها خيانه ...
هل ( ص ) مغلوب علي امره واهله ضغطوا عليه ؟؟ معقول تافه وعديم الشخصية للدرجادي ؟؟
هل ( ص ) فارق لما حس ان الحب قل ؟؟ طيب معقول حب جديد في ثواني ؟؟
هل ( ص ) ماشي يحب علي نفسه ؟؟ طيب معقول هوائي للدرجادي ؟؟
النقل من حضن لحضن مش شطارة ,, بالعكس , مش هينوبك منه غير شم روايح عرق مختلفه ,,
الحب مش سبق ولا هو اوكسجين من غيره هتموت
الكلام للطرفين ,, علشان مترخصش نفسك في عيون اللي حواليك
معادلة بسيطة علشان متتوصفش خاين
حبيت يبقي لازم تخلص .. هتخطب ؟؟ يبقي لازم تحب
مايكل سامي