شمشون كان اقوي شخصية بالجسد في الكتاب المقدس لما ضعف روحيا استهزاوا بة وعروة وكان السكير والزاني بيضحك علية وعل حالة …
داود ملك كبير وجبار باس لما ضعف كان بيسمع كلام بيتعبة ويجرحة ويهينة …
موسي كان كليم اللة لما ضعف وكسر لوحي الشريعة ربنا قالة مش هاتدخل ارض الموعد …
(ربنا حنين اوي )
لما سافر شمشون السماء سافر وهو اقوي انسان ايدين تهدم قصر
داود لما سافر السماء ربنا قال عن قلبة مثل قلبي …عمق اعماق الجهاد الروحي ومعرفة الله كلمة في منتهي القوة ماسمعنهاش عن حد غير داود النبي
وموسي النبي يعدي اكتر من الف سنة وربنا لانة حنين جدا يجيبة معاة عل جبل التجلي ويخلية يشوف ارض الموعد …
علشان كدة لو ربنا سمح بالتجربة لاجل طبيعتنا البشرية الضعيفة او لاجل ان تظهر ارادة اللة في حياتنا …
لو ربنا سمح بان حلمك يتاخر
او تفقد حد عزيز عليك
او تمر بتجربة جسدية
او الدنيا تخبط فيك
لو انت فعلا فلاح في حقلة هايعوضك في الارض والسماء
السلام دة تعويض والرجاء دة تعويض والفرحة رغم الحقائق العلمية البتقول غير كدة ده تعويض
ربنا حنين اوي …
لو كتفك اتكسر من كتر التجربة …هايعطيك قوة تشيل رغم الامك وهاتقدر تشيل اكتر من المتعافي وانت مكسور علشان يقولك هاتقدر تشيل رغم كل تعبك وهاتقدر تشتغل رغم ضيقك …اصل انت ناسي حاجة مهمه …لما تشوف كتفة وهو شايلك هاتنسي تعبك …ربنا حنين اوي