[walaa farouk]

(ما تستناش لما حد يعمل اللي تقدر تعمله)

ع الكتاب تكوين 26:1
"وَقَالَ الإله: «نَعْمَلُ الإِنْسَانَ عَلَى صُورَتِنَا كَشَبَهِنَا، فَيَتَسَلَّطُونَ عَلَى سَمَكِ الْبَحْرِ وَعَلَى طَيْرِ السَّمَاءِ وَعَلَى الْبَهَائِمِ، وَعَلَى كُلِّ الأَرْضِ، وَعَلَى جَمِيعِ الدَّبَّابَاتِ الَّتِي تَدِبُّ عَلَى الأَرْضِ»."

نحكِّي شوية؟!
في ناس بتشتكي من مواقف هم يقدروا يتصرفوا فيها. الناس دي مثلاً، بييجوا الكنيسة يوم الأحد، ويقعدوا يشتكوا قد إيه المكان مش نضيف، وإزاي الكراسي عليها تراب، وهكذا. لكن، الشخص المسئول فعلاً، يلاحظ إن المكان مش نضيف ويفكر، "ديه فرصة مُمتازة إني أساعد،" وبعدها يخطط إنه يكون موجود بدري الأسبوع اللي بعده عشان يساعد في تنظيف وتلميع المكان. هي ده تحمُل المسئولية.

أنت بتكون مسئول لما تدور على احتياج، وبعد كده تعمل حاجة عشان تسدد الاحتياج ده. وده نفس المبدأ الأساسي للنجاح. اتعلم إنك تكون مسئول في الكنيسة، في البيت، في المدرسة. خلي عندك الوعي إنك لو ماعملتش اللي المفروض يتعمل، يمكن ماحدش تاني يعمله. خلي عندك القُدرة إن يكون فيه سؤال (احتياج) وتجاوبه!

وأنت عايش مع قرائبك، أهلك، أصحابك، الناس اللي بتأخد بالها منك، قرر إن تأثيرك يكون ملموس. حتي لو أنت مش بتقدر تكون في البيت وتعمل اللي المفروض تعمله، دور على طريقة تانية تأثر بها. اتعلم إنك تكون مسئول؛ الناس المسئولة ديه ناس مُتميزة.

ادخل للعمق
"فَبَكَّرَ دَاوُدُ صَبَاحًا وَتَرَكَ الْغَنَمَ مَعَ حَارِسٍ، وَحَمَّلَ وَذَهَبَ كَمَا أَمَرَهُ يَسَّى، وَأَتَى إِلَى الْمِتْرَاسِ، وَالْجَيْشُ خَارِجٌ إِلَى الاصْطِفَافِ وَهَتَفُوا لِلْحَرْبِ." (1 صموئيل 20:17).

اتكلم
أنا عندي القُدرة إني أشوف، وأسدد احتياج اللي حوالي. لما بأعمل كده، بأعمل تأثير أكيد في عالمي، وأحسِّن من الوضع اللي كان فيه قبل ما أكون موجود.