البنت اللي محدش كان بيحبها في المدرسة دلوقتي متجوزة
الولد اللي كانوا بيقولوا عليه رخم دلوقتي عمل كافيه عالمي في المهندسين
البنت التخينة جدا ومحدش كان بيبصلها دلوقتي خست ومخطوبة
الواد ابوكرش دلوقتي بقي بطل كمال اجسام
اشطر واحد في الفصل بتاعك صاحب بنت و اتكحرت في الكلية
اوائل ثانوية عامة بيعيدوا السنة
اللي سبقك واتجوز ما خلفش
واللي اتأخر في الجواز خلف بسرعة
واللي عايز ولد جتله بنت
واللي عايز بنت جاله ولد
واللي ما نفسوش في عيال ربنا بعتله توأم
البنت اللي حبيتها اتجوزت واللي قبلها اتخطبت واللي بعدها صاحبت
المجموع اللي جبته ودخلت احسن كلية في مصر طلعت فانكوش !
اتخصصت تخصص حلو ما عجبكش !
افتكرت انك اتعينت في مكان حلو طلع وحش
امشي في حياتك لو قابلت بنت الحلال اللي عايزة تكمل معاك اهلا وسهلا
لو اشتغلت عند ناس ربنا كرمك معاهم برضه يا سلام
البنت اللي سابتك عشان شغلك مش عارف ايه كتر الف خيرك ومع السلامة وما تزعلش !
مديرك طردك مع انك احسن واحد بيشتغل ولا يهمك !
ما انت جربت اللي افتكرته خير طلع شر واللي كنت فاكره شر طلع خير
اصلها في الاخر دنيا وكده ولا كده كلها زي بعضها ..
ارضي ربنا في الكام يوم الزيارة اللي انت قاعدهم هنا وما تتعبش نفسك عشان ما يجيش يوم تقول (يا ليتني قدمت لحياتي)
حياتنا لسه ما بدأتش فا ماتوجعش قلبك بالفرجه علي الناس