بتكعبل في مصايب ياما
خوازيق طايره ف كل اتجاهات
والدنيا كل لما بتهدى
بعد هدوئها اتفاجئ بحاجات
على هذا الوضع وفاض بيا
يومياً بدخل انام موجوع
والنوم مش بيصاحب عيني
علشان تفكيري ف ميت موضوع
اتدخل يا الهي وعينِّي
واعدل بإيديك ضهري المحني
من كتر دموعي ، بتدارى
لجل مفيش واحد يلمحني
ويقول مالك ، بتعيط ليه
واقعد اقوله " اكمني ، وعلشان "
شوف حل بسرعة والحقني
علشان ابنك فعلاً تعبان ..
مايكل سامي