ايوه انتي ..
ياللي حاسه انك تعبتي
م الهموم
والدموع جرحت عيونك
كل يوم
والملل صاحبك ..
وقلبك .. اللي بينام فيه يقوم
والوجع دلوقتي ساكن
كل حاجه حلوه فيكي
ايوه انتي
ياللي مش لاقيه اللي حاسس بس بيكي
ياللي مبقاش حد ليكي
ربنا باعت يقولك ..
انه فاكرك مش ناسيكي
وانه هيطبطب عليكي
وان بكره قي احلي
واللي جاي مفيهوش جراح
اللي جاي اجمل واحلي
م اللي فاتك وللي راح
قومي تاني وشدي حيلك
اجمدي وميهمكيش
متخافيش !
مينا مجدى