[Rena Jesus]

- ايوه يا عم لاعبة معاك و جبت عربية ..
لا دي اقساط جبتها عشان باخد بنتي للدكتور و مبلاقيش مواصلات

- ايوه الصرف باين على شعرك بقى حرير بعد ما كان سلك مواعين
لا دي باروكة عشان الكيماوي وقع شعري ..

- محدش قدك يا عم كل يوم ف بلد ..
انا بتعالج مش بتفسح ..

- يا بختك جوزك بيحبك ..
بس مش لاقيين تمن اللبن نجيبو لابننا

- يا بختك جوزك غني ..
بس مش قادرين نشتري بالفلوس عيال ..

- يا بختك ابوكي بيجبلك كل حاجه ..
بس بعيد عني ..

- يا بختك خسيتي بسرعة كده ازاي ..
جاتلي الغدة ....

- يا بختك مرتاح
بس لوحدي ..
و غيرها و غيرها و غيرها حاجات اتشافت من برة و بس ..

الناس بتحسدك ع اللي معاك من غير ما يسألوا نفسهم انت دفعت التمن إيه ، طب جبت الحاجه دي ازاي ، طب ربنا خد منك إيه ف المقابل ..
الناس لها الظاهر ، الظاهر و بس ..