هيلعب بيكي ويقولك
دخلتي ف قلبي وبحبك
وحبه ف حبه يرسملك
طريق مفروش بسجاده
ويكذب برده كالعاده
ويمدح فيكي بزياده
لحد ما فيكي يتمكن
ولو حسيتي بخداعه
هيبدأ ليكي يتمسكن
هتاخدي الكذب ف مسكن
ويستسلم خلاص قلبك
هياخد لذته منك و يتهرب ويتلكك
ويتحجج بميت حجه
يقولك مره كان مشغول
ومره موبايله كان مقفول
ومره ما شافش رناتك
ويلعب كوره بحياتك
لحد ما يجي ف الاخر
يقولك انه مش ليكي
وانك لسه ف ايديكي فرص تانيه
ويلعن حظه ف الدنيا
عشان ما قدرش يحميكي
هتنزل دمعه ف عنيكي تقول عايزاك
يقولك جمله مشهوره
بصوت خجلان كأنه ملاك
يا اجمل واحده ف الدنيا
يا نور القلب والنني
ضروري انتي تستاهلي
حبيب افضل كتير مني
حافظى ع قلبك و ماتصدقيش حد ماجاش من الباب و انتي ف بيت أهلك معززة مكرمة