كتير عليا يابلدي أسيبك وأمشي ..
لكن والله انا في هجرك كنت مجبور ..
حاولت أطير بس ازاااي؟!!
وانا جناحي كان في هواكي مكسور ..
قلت اركب الميه يمكن ..
بس في طريقي كان لازم أعدي بلاد وبحور ..
رجعتلك تاني يابلدي ..
لكن المرة دي هنام خالص مش هاشوف النور ..
ما هما اللي قالولي يابلدي ..
هي دي بلدنا واللي مش عاجبه يغور ..
طيب اعمل ايه يا بلدى حتي الموته فيكي
أصعب منها ما يكون ..
قولي لأمي يا بلدي متزعليش كان نفسي
أموت فى حضنك ..
لاكن القدر كان أقوي مني كنت قصاده مهزوم ..
قولي لعروستى يا بلدي انا لسه بحبك ومنستكيش ..
وفي جنة الخلد أن شاء الله انا هلقاكي
في اليوم الموعود
مركب رشيد