[walaa farouk]

ما المقصود بالجنس الجسدى والجنس النفسى ؟؟

الجنس الجسدى هو الجينات والهرمونات التى تكون داخل جسم الانسان
الجنس النفسى هو الهويه الجنسيه وتنمية تلك الهويه لدى الاطفال مسئوليه الاب لو كان ولد بمعنى ان الاب يقول لابنه انت راجل البيت فى غيابى تاخد بالك من ماما واختك لما تخرج بحيث يشعر الولد بالمسئوليه تجاه اسرته من الصغر

اما بالنسبه للبنت الام تكلم البنت انها تلبس فستان نطول شعرنا تلبس حشمه وصوتها لازم يكون هادى مايعلاش

- ماهو انسب وقت للتحدث فيه عن الجنس للاولاد ؟؟

التحدث فى هذه الامور مهمه جدا فى الصغر ليس كما هو شائع عيب ما يصحش ولو الطفل سأل الام او الاب يبتدوا يوبخوا الطفل كانه ارتكب جريمه وده بيخلى
عند الطفل فضول اكتر ان يعرف ويسال خارج البيت وياخد معلومات خاطئه من المجتمع يبقى لازم نتكلم مع الاطفال عن الجزء اللى تحت المايوه ونقولهم ما يصحش حد يجى عند الجزء ده ويشوفه الا ماما عشان تنضفنا وده فى سن حضانه..

لازم نعلم ولادنا ممنوع حد يشوفنا واحنا بستحمى وكمان لازم نعلم الاولاد على كلمه لا ويكون ليهم شخصيه مستقله بمعنى ان الطفل يعترض على اى حاجه مش عجباه وكمان لازم نشبع ولادنا من الحب والحنان والدفء الاسرى "النفس الشبعانه تدوس العسل "
يعنى ممكن الطفل حد يقوله كلمه حلوه يحضنه ويديله شيكولاته ويكون انسان بيستغل الطفل وكمان لابد من عدم ترك الاطفال عند الجيران او القرايب اولادنا وزنه ربنا اداها لينا لازم نحافظ عليها وكمان لازم الام تاخد بالها من اولادها وتلاحظهم كويس عشان لو اى تغير طرأ عليهم تفهم وتحاول تعرف فيه ايه بهدوء وعدم القاء اللوم على الاطفال..
لازم نربى ثقه عند ولادنا من الصغر نضحك معاهم نصاحبهم نخليهم كل يوم يجوا يقولوا عن يومهم مر ازاى وايه اللى حصل معاهم ونديهم ثقه بنفسهم يعنى لو حدث خطا يتم توجيه الطفل بدون تعنيف لان لو الطفل اتعنف بيبتدى يخبى اللى بيحصل
معاه...