انا بعدك بقيت اقوي ..
وبعدك عني مكسرنيش
مموتش يعني من غيرك
وبتحدي الحياه وبعيش
وقلبك عمره ما واحشني ..
محنتلوش
ولو سألوني عنك يوم .. برد واقول
محبتهوش
ومعرفهوش
كأنك كنت حلم خفيف
مجرد ضيف
دخل ف حياتي علي سهوه
وبعد شويه سابني وراح
انا بعدك بقيت احلي ..
مفيش جوايا أي جراح
اديني واقفه علي رجلي
وبضحك لسه .. وبكمل
بقيت اجمل من الاول
وعندآ فيك _ انا قويه
وعمري ما اشتكيت وضعفت
وحبك لما مات فيا
ساعتها انا عشت
معاك انا كنت مضطره
امثل اني مبسوطه ..
وبضحك عادي من بره
ف عز ما قلبي متقطع
وعيط 500 مره
..
بعادك عني مش أزمه .. ولا خساره
انا مرتاحه .. مش خايفه ومنهاره
وقولت ل قلبي كفاره
انا بعدك بقيت حره !
'' مينا مجدي ''
من_قصيدة_شهرزاد