[Rena Jesus]

هههههههههههههههههههههه
لا الحقيقه انتى سألتى كل الاسئله اللى ممكن تتسأل ف الدنيا اللى توقعتها واللى ما توقعتهاش

عايزه اقول حاجتين

الاولى
ليكى
حابه اقولك ميرسى خالص على اهتمامك وانك فاكرانى
وبجد انبسطت قوى انى كنت ضيفه الكرسى الفتره دى
ويارب ماكنش ضيفه غلسه

الحاجه التانيه
فهى للمنتدى واعضاءه
انا بجد بأشكركم جدا على اهتمامكم بكل واحد فى المنتدى وانكم مش بتنسوا حد
(لسه النهارده مفرحنى بعيد ميلادى وعملوا لى تهنئه وكل الناس شاركت فيها)
بجد ربنا يبارك تعبكم ومحبتكم ويارب يفضل منتدانا الغالى كده دايما
ويارب كل الاعضاء اللى فيه يكون دايما منورينه بمواضيعهم ونشاطهم الرائع

اه حاجه اخيره نسيت اقولها ربنا يكون فى عون اللى عليه الدور بعدى