نشر احدهم مشكلته على احدى صفحات الفيس قائلا
الحيوان جوزها بيضربها .
بنتي متجوزه من 8 سنين ، كل يوم والتاني جوزها يشتمها ويهينها واحيانا بتوصل لمد الايد ,
وطبعا اخواتها شباب ودمهم بيفور ، بيتخانقوا معاه ويخدوا البت تقعد شهر شهرين عندنا ،
وفي الاخر تزهق هي وولادها وتعيط وترجعلوا ،
وانا راجل كبير ومش قادر علي المشاكل وتعب القلب ده ، ماعندكمش حل ؟
الرد :
طب اسمع :
انا سألتك مازورتش بنتك بقالك اد ايه ، قولتلي هي بتجيلنا كل اسبوع هاروحلها ليه واتقل عليها ،
كمان قولتلي ان اخواتها الشباب مابيزوروهاش غير ف المناسبات البعيده ،
وعلاقتهم بجوزها سيئه جدا ،
وهي دي المشكله، جوز بنتك ابتدي معاها بالشتيمه ووصل للضرب لانها مالهاش اهل ،
ماتزعلش مني ..
الاهل مش هما اللي بيتدخلوا بس في الخناقات ،
اهل البنت هما اللي علطول بيزوروها ويجيبوا ويهادوا ،،
هما اللي بيصاحبوا جوزها ويعتبروه واحد منهم ،
بيطلعوا معاه مصايف ويودوه في مناسبات عيلته ، وهو كمان بيبقي زي ابنهم ،
صدقني مهما كان سئ لو شافكم علطول جنبها هايعملكم الف حساب من باب الاحترام قبل الخوف .
طيب لو العيله بتعمل كده والزوج لسه متبلطج ؟
يبقي نكلمه بالحسني بعد كده نهدده بعد كده ناخد بنتنا ونكسر رقبتها لو قررت ترجع ،
ولو زودها نوريله العين الحمرا اللي اخواتها وريهالوا بدري اوي ، لدرجه انها فقدت قيمتها ،
يللا ياحاج قول لولادك يزورو اختهم ، ويخدوا معاهم ولو كيس حرنكش وما تقوليش الحرنكش غالي ،
مش خساره ف بنتك
ولا انتوا ايه رأيكم؟؟؟؟؟؟