[walaa farouk]

*لما كنت ف المدرسة كان هدفي أجيب مجموع كبير ف 2 ثانوي جبت 82% اعاده تصحيح ليا درجات بس لازم ارفع قضيه واكسبها بعد سنتين يعني هتضيع سنه من عمري النفسيه صفر طبعا خصوصا شوفت ف عين ناس فرحه فشلي و كان حل من اتنين
يا أكمل فشل أو افرح البيت و قتها �#�ميأستش� جبت 99.8% ودخلت الكليه و القسم اللي كان نفسي فيه
*كنت تخينه جدا 98 كيلو كنت بسمع تريقة من صحابي و بصات ف المواصلات كنت واخده مكان كبير شوال بطاطس ملوش معالم وكنت مبحبش أتصور و دا طبعا واضح 😂 #ميأستش دلوقتي انا 59 😍
*كنت بتهته و بتكسف اتكلم و خجولة جدااا ناس قالتلي ف وشي هتفشلي فالكليه محتاجه مظهر و حد شخصيته مرحة و بيعرف يتكلم ..نفس الناس اقولوهم #ميأستش اتخرجت بجيد جدا مرتفع اديت كورسات تنمية بشرية و اشتغلت مرشده و حاليا HR
*مكنتش مهتميه لا بلبس ولا مظهري حاليا متصالحه جدا مع نفسي و self confidence عالي بنسبة رضياني
😁
ف نصيحة يا بنتي
● خليكي حلوه لنفسك حلوه عشان عاوزة تبقي حلوه مش عشان خاطر حد ولا عشان تعجبي أو تلفتي نظر حد
●خلي هدفك تبقي نفسك أكبر جريمة ف حق نفسك انك تقليلي منها ومتثقيش فيها
●انكسري و انهاري و عيطي بس ف اوضتك بين نفسك لغاية ماتلاقي اللي يحترم ضعفك مش يستغله
●اوعي اوعي اوعي تحصري حياتك ع الارتباط وبس لو نصيبك مجلكيش متوقفيش حياتك وتبقي كائن إفتراضي لا ذاكري حضري دراسات اشتغلي ابقي مديره واحلمي وحققي حلمك
●شخصيتك تكونها الكتب و المعلومات و الثقافة
●وكل ما يزيد ذكائك و ادراكك فرصتك ف الارتباط هتقل لغاية ماهتنحصر فالشخص اللي يقدر و يساعدك تبقي حاجه
●حبي نفسك عشان تستاهل
#ميأستش