مش محتاج تضرب ودع
عشان تحس باللى شاغِلها
اصل الوجع بيبان وجع
ريشه الملامح بترسمها
يا دمعة القلب المتخبى
جوه ضلوعـــــها
لو كنت دارى باللى اتوجع
كنت قدرت تطمْنها
كل كلامك
ناسج حروفه م السكات
حتى سلامك
فيه مشاعر قلب مات
شايف فى عنيها الحيرة
بتحلفك بكل الحاجات
والنار قايده فيها
وانت بتحرق فى الذكريات
ولساك بتسأل ليه الوجع
منتش محتاج ضرب الودع
اصل الوجع بيبان وجع
لو اتسرق العمر اللى فات