[مريم ميرو]

دي الكلمات بتاعت الترنيمة
طول عمرى دايما بتنسى
وكانى نقطة فى بحر
او نقطة فى كتاب
لكن الهى مخلصى
عملى قيمة انا المخلوق من تراب
عوضنى عن عمرى اللى ضاع
وغسلنى من طين الضياع
وقلت للاحزان وداع
ونزعت من جوايا اشواك العذاب
عملى قيمة انا المخلوق من تراب
وقالى فينك من زمان
صدقنى عندى ليك مكان
فاتح قصاد منى البيبان
وقبلنى وقالى
وحشنى طال الغياب
عملى قيمة انا المخلوق من تراب



أنا ماستهلشي يا رب طيبتك، أو حتى إنك تفضل حابيبنى
انا ماعرفتش يا رب أحبك، ممكن فى حضنك شوية تسيبنى

أنا ماستهلشي يا رب طيبتك، أو حتى إنك تفضل حابيبنى
انا ماعرفتش يا رب أحبك، ممكن فى حضنك شوية تسيبنى

يا رب أنا سيبتك، رغم حبك و طيبتك
و روحت للخطية، وغرقت فى أوهامها
و رضيت أعيش أحلامها، ماشي مغمَّض عينيَّ

يا رب أنا سيبتك، رغم حبك و طيبتك
و روحت للخطية، وغرقت فى أوهامها
و رضيت أعيش أحلامها، ماشي مغمَّض عينيَّ

و لما رجعت إليك، بصيت لقيت إديك بتمسحلي دموعي
و فرحت لما لقيت كل نظرة فى عينيك فرحانة برجوعي

و لما رجعت إليك، بصيت لقيت إديك بتمسحلي دموعي
و فرحت لما لقيت كل نظرة فى عينيك فرحانة برجوعي

مش عايزة أي حاجة، غير إنى أنا محتاجة تسامحني على إللى فات
الهم عاش جوايا، صفحة حياتي خطايا، صحّي ضميري إللى مات

بكيت أنا على نفسي، عشان كان ربي نفسىي زمان معاك أعيش
وسألت نفسي لإمتى حافضل أسيبك إنت؟! أنا سيبتك ماتسيبنيش