سلامنا إليك
سلامنا إليك يا أم المعونة
يا طاهرة يا سور الخلاص يا حنونة
تمللى بيحلى لنا نمدح فضايلك
ونلجأ إليك عشان تنجدينا
1-مين فى البشر قلبه أحنى علينا
عواطفه معانا ف جميع خطاوينا
بيفرح حقيقى إذا فرحنا إحنا
ويحزن إذا الحزن جه نواحينا
2-ومتياس رسول المسيح وقت سجنه
طلبت قصاد صاحب القدرة عنه
حصل أمر هايل بقى الصُلب سايل
شفاعتك جابتله سلامه وأمنه
3-تضرع إليك أبونا إبن زرعة
وجت له معونتك عظيمة بسرعة
وفكيتى ضيقته نقلتِ المقطم
بآية لها فى التاريخ أى روعة
4-ولما ف كنيسة الزيتون باركتينا
لقينا الأمان والسرور حلوا فينا
وللمرضى جبتِ الشفاء السماوى
وأحلى العزاء للنفوس الحزينة
5-البابا تواضروس حبيبنا معانا
بفكره بقلبه بصلاته معانا
ولاده وبناته زيه تمام
راسخين فى حبه ووجهه البسام
شكراً ليكم اخوتى الأحباء
ودى كتابة الترنيمة وهى فوق الكلام