[Mary Naeem]

جيهان فاضل توجه رسالة لـ " الخائف من حكم الاخوان "



جيهان فاضل توجه رسالة لـ " الخائف من حكم الاخوان "



وجهت الفنانة الثائرة جيهان فاضل رسالة اليبعض المصريين المتخوفين من وصول الاخوان الي الحكم , بعد انتخاب محمد مرسي .

و قالت جيهان في رسالة نشرتها علي صفحتها علي فيس بوك " أنا متحيزة بشدة للثورة.شفت بعينى شباب بيموت برصاص العسكر و الشرطة...كنت شاهد عيان على أحداث و لقيت الأعلام بيكدبها بمنتهى الفجر.لفينا كعب داير على المعتقلين وقت ما كانت النخب بتجتمع فى القاعات المكيفة و تطلع فى التلفزيون تنظر.علشان كده فى أوقات كتير بيبقى صعب عليه أفهم الناس اللى قررت تلعبها سياسة أو الناس اللى أكتفت بالفرجة.وعلشان دى ثورة فكل اللى سابوا الميدان سعيا وراء تكوين حزب والحصول على نصيب فى البرلمان لقوا نفسهم بيصارعوا طواحين الهوا.و علشان دى ثورة كل اللى كانوا قاعدين يتفرجوا لقوا نفسهم مضطرين يخدوا موقف.وبرضه علشان دى ثورة ففوز مرسى مش معناه أن الأخوان سيطروا لكن معناه أن الأخوان ححققوا مكاسب هى من حقهم و على التيارات الليبرالية أن تعمل جاهدة على تحقيق نفس المكاسب.اللى شاف شباب واقف فى الصفوف الأمامية بيواجه الرصاص لازم يبقى واثق أن مافيش حد حيسيطر على أرادته و الحرية مش مجرد حريتى أنا الشخصية ولكن حرية بلد عانت سنوات طويلة من القمع.قدامنا مشوار طويل وحنتعلم نحترم بعض و نتعايش رغم أختلافاتنا "

بوابة الفجر الاليكترونية