[marit jesus]

بصى يادودو انا هااقولك حسب وجهة نظرى الشخصية وحسب ماكانوا يقولولنا فى الكنيسة وحسب معلوماتى ودراستى التربوية والنفسية فى الجامعة

اولا الشعور بالنقص زى ماانتى قولتى الشعور بالنقص او الدونية اوInferiority

يعنى الانسان بيكون عنده احساس انه فى حاجة نقصها حتى لو كان غنى او فقير مش هاتفرق بتحصل سواء مع دا او دا

الانسان بيحس انه فى حاجة مع غيره وهو مش معاه الحاجة دى او مش معاه زيها حاسس انه معندوهوش مواهب يقدر يطلعها دايما شعاره الفشل وانه فاشل فى حياته حاسس ان كل الناس احسن منه بس خلى بالك ياراندا دا مش تواضع لان التواضع مختلف تماما عن الشعور بالنقص التواضع مش بيخلق كراهية لغيره بخلاف الشعور بالنقص بيكون كاره الاشخاص اللى حوايه وعايز ينتقم منم علشان حاسس انهم احسن منه وعايزه يبقوا فاشلين زيه ويعمل اى حاجة علشان تقف عائق فى حياتهم وتسببلهم مشاكل

مش قادر يفهم ان ربنا خلق كل البشر زىه على صورته ومثاله ومش معقول ان ربنا فى حاجة غلط ولا وحشة لاسمح الله يبقى ازاى يقول الانسان الذى يشعر بالنقص انه كله غلط فى غلط وانه واحش والناس احسن منه دا ابن يسوع
وساعات بعض منهم يكون فاشلا دراسيا فيحس ان اصحابه المتعلمين احسن منه وانهم بيتريقوا او بيتكبروا عليه ودا ممكن مايكونشى صح بس حاسسس بكدا

ودا ناتج يادودو عن طريق التربية الغير السليمة فى البيت الاب او الام يفضل يقارنوا ابنائهم ببعض فيطلع واحد حاسس انه اقل اخواته وانهم افضل منه

وبعض عادات المجتمع ايضا ساعات بتقف عائق امام الفرد
والعقاب والضرب بيشعر انه مالهوش قيمة عند والديه فيحس بالشعور بالنقص وفى الحالات الشديدة بيسب انتقام واحباط وعنف

علاجه التربية السليمة عدم المقارنة الاولاد ببعضهم البعض فالكل لديه خبرات ومهارات مختلفة
محاولة التقرب من هذه الاشخاص اعطائها الامان
رفع معنوياتهم الوقوف بجانبهم فى انهم يبحثوا عن حاجات اومواهب حلوة جواهم يثبتوا بيها اللى حواليهم انهم ناجحون
حضور الكنيسة القرب من ربنا
مشلهدة اجتماعات تتكلم عن الشعور بالنقص
معلش انا طولت عليكى يادودو بس حبييت اقولك حاجة تفيدك ويارب اكون قدرت افيدك وحققلك اللى عايزة تعرفيه