في مقالتها (الزواج ليس أنجازا ) " Getting Married Is Not an Accomplishment "
بتعبر الكاتبة Natalie Brooke عن إستغرابها ان إحنا في سنة 2016 و لسه في بنات بتعتبر ان من انجازات حياتها انها تتجوز !!!؟!
فده بالنسبة لهم أهم من انها ترتقي في شغلها او حتي تتقدم في تعليمها !
فعلي حد قولها
“You don’t have to have a brain, drive or special skill set to get married. You just have to have a willing partner.”
بمعني أنك كبنت مش محتاجة يكون عندك عقل او دافع او حتي مهارات خاصة عشان تتجوزي , أنما مجرد شريك مستعد !!
الصراحة اي شخص ممكن يقرا مقالة Natalie ممكن يحس انها شخص متطرف او حد عدائي لفكرة الجواز !
فازاي واحد ست تقول ان الجواز مش حاجة مهمة بالنسبة للست ؟!! ..
و الحقيقة اللي يركز في المقالة كويس مش حيلاقي ده كلامها خالص ..
فالجواز أو حتي الأرتباط العاطفي تحت اي مسمي مهم جدا و حاجة كويسة ,
بس المشكلة انه زيه زي اي حدث حياتي بيحصل في حياة الشخص ,
هو مجرد خطوة ع سلم كبير اسمه مشوار نجاح الفرد .. مش أنجاز او حدث مضخم !
أنما المشكلة في البنت اللي بتتعامل مع فكرة الجواز ان هي ديه نقطة النهاية ,
أو ان رسالتها في الحياة هي انها تتجوز و خلاص كدة ! ,
لكن السؤال هنا هل أحنا بنتجوز عشان الجواز نفسه و لا عشان الهدف منه ؟! ..
فالحقيقة ان كل خطوة الانسان بيعملها لازم تكون بتصب في شخصه و كيانه ,
فمثلا الراجل بيتجوز عشان هو حابب يرتبط عاطفيا بواحدة تساعده و تكون شريكة حياته ,
واحده تقدمه و تدفعه انه يكون احسن , واحده تضمن انه يبقي في وضع اجتماعي او حتي نفسي افضل ,,
و مع كدة هو عنده شغله الخاص و وضعه المادي اللي بيشتغل علي تطويره ..
نفس الفكرة للست , فالجواز اللي مايقمدش في حياتها او يخليها في مرتبه افضل ,
ده مش بيبقي مجرد ارتباط مزيف لا ده قيد و سجن لشخصها و ذاتها ! ..
فالجواز المفروض يكون وسيلة قبل ما نتعامل معاه كغاية ..
في النهاية حقتبس من رواية ( ديجافو ) للكاتبة ( سلام عيدة ) :
- ألن تتزوجي إذن ؟ ( قالت الأم لأبنتها بحسرة وحزن )
- سأتزوج , أعدك ... حين أجد رجلاً يرتاح له كل كياني ,
فالزواج يا أمي ليس ثوباً نرميه في ختام المسرحية ! ..
الحب الذي لا يريحنا ويسعدنا , ليس حباً بل هو شقاء من نوع آخر ,
يحميه المجتمع ببطانة سميكة , ويصم أذنيه عن عيوبه بتصفيق حاد لمن انضم إلى قطيع المتزوجين ,
ولو نُزعت الأقنعة لوجدتِ نصف المتزوجين تُعساء لسوء الاختيار ولتسرّع القرار ..
و أنا لا أرغب في أن أكون مثلهم يا أمي ..
كلمات كيرلس بهجت