[walaa farouk]

" نظروا اليه واستناروا ووجوهم لم تخجل "
واللى بسببهم وشك ف الارض ..وبنظراتهم عينيك اتكسرت ومترفعتش .. وتحت ايديهم انحنت راسك واتكرمشت ملامحك ..وتاهت ابتسامتك بين اوجاع احكامهم عليكى...ياللى قفلتى على روحك ابواب الحياة ..وياللى بتقولى "ليس لى انسان " ..وشايفه الدنيا انفضت حواليكى ومشيوا وسابولك تعايراتهم سيف على قلبك وروحك ..ياللى ضهرك اتكسر ورجلك بتخوى وترتعش مع كل محاوله وقوف ..ياللى جروحك طرحاكى ..لسه ف واحد مستنيكى ..لسه فواحد مش مخدوع من المشهد ده وعارف قيمتك ومكانك كويس .. لسه ف واحد مش قابل تعيشى كده..لسه ف واحد موجود على مسافه "رفعه عينك ليه"..لسه فى واحد لكن بالكل .. لسه ف "بابا" .باخر نفس فيكى وباخر طاقة عندك ..ارفعى عينك بكسرتها وروحك بقله حيلتها ليه ..بصى عليه وسيبى نفسك تنطلق خفيفة ..حرة ..بصى عليه يتنفخ فيكى حياة من جديد ..بصى عليه تتجدد ملامحك وتلمع روحك المطفيه ..بصى عليه يتشدد عودك وتثبت رجلك ويتجدد شباب قلبك .. بصى عليه .واشحنى روحك من نظراته اللى تحى ..بصى على اللى عمر ماكان ولا هيكون مش عند حسن ظن اللى طلبه ..بصى عليه واعرفى ان مفيش عين اترفعتله واتخزلت ابدا.هو.اله رفع الراس وجبر الخاطر ....