[walaa farouk]

الجملة دى هتلاقيها على مرايات العربيه
" الأجسام فى المرآة أقرب مما تبدو فى الواقع "
عيوبك تحت ميكرسكوب الناس اضخم واكبر من انك تحتمليها. وشيلتك تقيلة بالنسبالهم ... ف نظرهم ذنبك ميتقبلش ..ملوش غفران.. .وقدام عدساتهم اللى بتكبر غلطاتك ..صعب تتغيرى ..ويتشاف فيكى رجا ..مراياتهم بتشوف عيوبك وغلطاتك " اقرب مما تبدوف الواقع ".... مراياتهم .. متعرفيش تقول غير "انا سوداء" .. ويتقفل المشهد وتخلص الرواية ..قدامك ف كل يوم فرصة تهربى من قدام مراياتهم. تعالى اقفى قدامة "الله" وشوفى نفسك فملامحه ..شوفى نفسك برغم عيوبها لسه ف ايد اسمها "النعمة " بتصلح تشوهاتها وتجمل تفاصيلها".. مراية بتقول تقدرى .. مراية بتطيب قلبك لما يغلط وتشجع رجلك تكمل تجرى ف طرقها ..مراية بترشد و تصلح .مش بتدين وتحبط ..و.لو قررتى يبقى هو " مرايتك "اللى بتشوفى منها نفسك بحجمها الحقيقى والطبيعى ...اوعدك انك هتعرفى تقولى ف كل وقت وكل يوم ...انا سوداء وبابتسامة قطرها مترين .. تكملى ".وجميلة " ...