أنا الشماس اللي بيعشق القداس .. واللي بيروح "احسبها صح"..
اللي بيسمع أبونا داود لمعي.. ومتابع د. ماهر صموئيل من سنين..
اللي متربي علي مدايح بولس ملاك.. وبيصلي بترانيم زياد شحادة..
اللي نُص مكتبته للبابا شنودة.. والنص التاني لأبونا متي المسكين..
اللي موبايله فيه الحان ومدايح.. وبعدها ترانيم better life وقصر الدوبارة..
اللي بينام علي تأملات البابا.. وبيصحي علي اجتماع چويس ماير..
اللي حافظ كتب الاباء عن ظهر قلب.. وبيعشق كتب c.s lewis وjohn stott..
اللي بيحب كيهك واسبوع الالام.. وبيستني onething بفارغ الصبر..
اللي دارس قبطي من وهو صغير.. وحافظ ترانيم hill song وcasting crowns..
اللي بيطلع خلوة الدير ينسي الدنيا.. وبيروح بيت الصلاة كام يوم عشان يتملي ويشحن..
اللي بيستني اجتماع ابونا مكاري عشان يصلي معاه في الاخر.. ومتابع مدرسة المسيح عشان يجدد ذهنه..
*****
أنا الطمــاع روحياً..
الجعان ليسوع حتي ولو كان فين!!
اللي شايف باقي الطوايف أو بمعني أصح (الجسد) بعيون يسوع، ومقرر يستمتع بكل الكنوز اللي عند اخواته..
من غير تعصب.. ومن غير انغلاق.. راضي يتشحطط ويلف علي الكنايس..
بس.. عشان يشوف يسوع!