[Rena Jesus]

اولا بشكر لولو على التدبيسه
ثانيا نبدأ نجاوب بس يارب ما تزهقوا


1-اسمك المستعار ؟

هو انا اسمى ايرينى والدلع رينا

2-سبب اختيارك لهذا الاسم ؟

هو مش انا اللى اختارت انا لقيتهم بيقولوا كده
ههههههههههههه

3-الهوايات ؟

مفيش حاجه مميزه بس انا بحب القراءه
وبحب كده العب بالمكياج شويه

4-افضل شهـر بالسنه والسبب ؟

بحب شهور الشتا عامه عشان اتحرك براحتى من غير الشمس والحر
وبالنسباه لشهور الكنيسه بحب كيهك عشان التسبحه والسهر

5-حلمك في الحياة؟

انا كان ليا احلام كتير قوى فى اللى اتحقق وفى اللى ما اتحققش وفى بردو اللى عمره ما هيتحقق
بس حاليا بجد نفسى اوصل بيتى انه يبقى فعلا كنيسه

6-أجمل سنوات مرت عليك؟

كل سنه كان بيبقى فيها جمالها الخاص بس احلى سنين عمرى هى ايام الكليه

7-شخصيتك ( عصبي ، رومانسي ، ....... )؟

هما بيقولوا انى هاديه بس انا شايفه غير كده هههههههههههههه
بس انا رومانسيه جدااااااااااااااااااااا

8-اجمل بلد زرتها ؟

اجمل بلد زرتها شرم الشيخ

9-لونك المفضل ؟

بحب اللون البنفسجى بكل درجاته

10-من هو مثلك الاعلى ؟

بابا ربنا يخليهولى

11-ماهي حكمتك بالحياة ؟

ان كل حاجه فى وقتها حلوه

12-ماالذي يحزنك ؟

لما اخسر حد يهمنى غصب عنى سواء بسبب ظروف معينه او بسبب الشخص ده نفسه

13-ماالذي يغيظك ؟

كلام الناس اللى بيبقى مش حقيقه

14-ماالذي يفرحك ؟

لما اشوف اللى حواليا ويهمونى فرحانين

15-افضل شخصيه في رأيك ؟

مافيش حد افضل من حد
بس احلى شخصيه فعلا اللى يعرف يحب كل الناس ويقدرهم ويخدمهم من غير مقابل
ودول على فكره قليلين قوى

16-نفسك تقول ايه لربنا؟

سامحنى ومتسبنيش

17-من هم الأعضاء اللي تتمنى تشوفهم؟

بجد بجد نفسى اشوفكم كلكم

18-عضو عاجبتك صورته الشخصيه وتوقيعه ؟

الصوره الشخصيه بصراحه مرموره (مارى نعيم)
بالنسبه للتوقيع بقى ثابت بفكره الموضوعات اما زمان لما كان صور فأكيد مش هفتكر الزهيمر بقى

19-عضو نفسك تغير اسمه ... ؟

لا مفيش لأن كل واحد مختار الاسم اللى بيمثله

20-عضو نفسك تعتذرله ... ؟

بأعتذر لكل حد انا ممكن اكون غلطت فى حقه سواء بقصد او من غير قصد

21-عضو نفسك تقول له ( برافو عليك ) ... ؟

بجد كل الاعضاء نشيطين جدااااااااا وبتمنى ابقى زيكم
لكن بعد مارى نعيم لأنها بالنسبالى حجر الاساس هنا
نفسى اشكر ولاء عشان نشاطها وموضوعتها الجميله
ربنا يبارك تعب محبتكم

22-ماهو رأيك بالحب ؟

الحب بالنسبالى هو الحياه

23- صــف نفســـك بكلمتيـــن فقـــط..!

كائن حى

24 -مــاهــو الشــئ الذي ندمــت علــي عمـلــــه؟!؟

اكيد فى حاجات كتير ندمت عليها واولها الخطايا
بس ربنا علمنا انه مهما حصل لازم نكمل عشان هو بيغير دايما الوحش ويخليه اجمل حاجه

25 -كـلمـــة تمنيـــــت ان تسـتطيـــع سحـبهــــا؟!؟

بردو كتير قوى الواحد بيتكلم ويندم على كلام قاله او عصبيه طلعت منه

26 -آخـــر شخـــص تتـــذكــــره قبـــل أن تنـــــام؟!؟

كتير قوى واولهم عيلتى الصغيره

27 -جــريمــة تتمنـــي لـــو تستطيـــع ارتكابهــــا؟!؟

ههههههههههههههههه نفسى اقتل بعض الاشخاص
اوعوا تبلغوا عنى

28 -حمـامة زاجـــل حاملـــة رســالة لـك,,,من من تتمنـى ان تكــون؟!؟

من ربنا ويقولى فيها مسامحك وحاسس بيكى

29-شخـــص لطــالما حـــلمـــت بــــه؟!؟

مفيش حد معين

30 -دمـعـــه انـذرفــــت رغـمــاً عنـــك؟!؟

لما بحس بالقهر ف موقف معين وانا مش عارفه اخد حقى

31 -مـوقـــف صــدمــك ولــن تنســــاه؟!؟

لما بتصدم ف شخص معين اكون رسماله صوره حلوه قوى وفى الاخر يطلع اى كلام

32 -شـخــص تتمنــي الإنتقــام منـــه؟!؟

ههههههههههههههههههههههههههه
دول كتيييييييييييييييييييير قوى

33-شــئ او عمــل لا تستطيــع مســامحته؟!؟

الظلم انا ما اعرفش اسامح على الظلم من اى حد ومع اى حد

34-شــئ او شخــص غيــّر مجــري حياتـــك؟!؟

الجواز طبعا هو الشئ اللى بيغير مجرى الحياه
لكن فى بعض الاشخاص قابلتهم فى حياتى غيروا مجرى تفكيرى

35-حلم لا تستطيـــع تحقيقه؟!؟

انى ارجع عشر سنين من عمرى كنت اكيد هغير حاجات كتير فيهم

36-كلمة تود سماعها كل يوم؟!؟

ربنا معاكى

37 -طالع رحله بريه من تاخذ معك ؟؟

كل حبايبى

38 - غرق المنتدى ومعك قارب مايشيل الا ثلاثه من تاخذ معك ؟

اولا بعد الشر
ثانيا كلنا واحد فكده هقدر اخد المنتدى كله وهيفضل مكانين كمان
وبعدين يعنى الميه حلوه فى الجو الفظيع اللى احنا فيه