17 - 06 - 2016, 07:08 AM
|
|
|
|
..::| الاشراف العام |::..
|
|
|
|
|
|
مراحل الارتباط :
اعجاب - اكتشاف - تعايش .
كل الجوازات اللي بتبوظ سببها اننا بنتجوز في مرحله الزفت ( الاعجاب ) اللي بتودينا في داهيه واللي بتوصل احيانا لمرحله التعود او الانبهار فنسميها بجهلنا حب ،
يعني إما .....مابنوصلش لمرحله الاكتشاف
( بنتجوز بسرعه العريس الامور اللي الجاهز اللي عايز ينجز او اللقطه اللي نازل اجازه 6 ساعات يختار عروسه ويتجوزها ويخلف منها والعيال تكبر قبل ميعاد السفر ) ،
او ..... بنوصل لمرحله الاكتشاف ونغمض عنينا عن عيوبه لاننا بنحبه
( هاتجوز واحد باحبه اوي وكله مميزات ، بس عيبه الوحيد انه بخيل وواطي وكداب وبارد ومعفن وبتاع بنات وبتاع امه ، بس واثقه اني هاخليه يتغير بعد الجواز ) جتك خيبه .
طبعا بعد الجواز بتهدأ المشاعر ويقل توهج الرغبه ويختفي جنون الامتلاك ، وفجأه عنينا بتفتح فندخل في مرحله (الاكتشاف )ونبتدي الشكوي :
هو ليه اتغير كده - ده كان رومانسي ايام الخطوبه - ده بقي بيشتم ويضرب ويرفص -
ده مش بيستحمي خالص ( يعني حضرتك ماكنتيش شامه ريحته قبل الجواز ) ،
هنا بقي إما بنقدر ندخل المرحله التالته اللي هي ( التعايش )، واللي غالبا بتبقي تعايش اضطراري نتيجه الحب المرضي او الخوف من الطلاق ، او بنرفض نكمل ونتطلق ،
علشان كده ماتستغربوش لما تعرفو ان 60% من حالات الطلاق بتتم في السنه الاولي من الجواز ( سنه الاكتشاف ) ، يبقي الحل اننا نتخلص من وهم الحب ، وناخد فتره خطوبه مناسبه ماتقلش عن 6 شهور بتم فيها مقابلات كتير وكلام ونقاش وتفاهم واختبارات وتقييم عقلي وطبعا مانتساش الاستشاره وطلب حكمه ربنا فى الموضوع .
موضوع لأيهاب معوض
|