[walaa farouk]

معاك حقدر على جليات جليات هو الخطيئة اللى مش قادريين عليها ...
جليات هو اى مشكلة كبيرة و مستعصية و شايفين انها صعبة ...
جليات هو كل واحد و كل حاجة شايفينه/ا صعبة علينا او متكبرة او حاسيين نفسنا صغيرين قدامها ...
جليات لو شوفناه بالصور او تخيلناة حنلاقية انة عملاق من العماليق ... و داود واحد غلبان بيحب ربنا و مؤمن وواثق فية و مؤمن بنفسة و بقدراتة فى ربنا ...
معندوش الأنا ...
عندة روح تواضع و بذل و عاوز يساعد و يفيد ... لكن دايما بيلاقى اللى بيتريق علية او بيقلل من شأنة ...
حتى صموئيل مكنش فاهم لحد ما راح ان ربنا بيقصد داود انة راح يبقى الملك من بعد شاول ...
كان صموئيل النبى رايح يبص على العضلات و الشكل و البنية و القوة العضلية و البدنية ...
لكن ربنا بيبص على القوة الروحية و قوة القلب و الثقة بالنفس فية هو ...

ربنا عاوزنا نقول مثل قداسة البابا شنودة :

متقولش يا رب عندى مشكلة كبيرة ... لا ... قول يا مشكلة عندى رب كبير ...

يارب أنظر إلى ضعفنا و ذلنا و اتضعنا ... اننا قد تذللنا جدا يارب ... يارب أنصرنا و قوينا على كل جليات بحياتنا أى كان مين هذا الجليات اذا كان مشكلة او شخص او شئ صعب ... لكن شايف ايدك و سيف ملاكك معايا مثل داود يارب ...
....
يارب أقف معايا ضد جليات ... واثق فيك انك حتعديني الصعب و التحدي دة ...
....