[walaa farouk]

1 _ بيحبك زي ما انتي
2 _ ميزهقش لو كلمتيه عشان تاخدي رأيه ف لون المونيكير
3 _ لما تكوني مخنوقه ومش طايقه حد تجري عليه علشان عارفه انه هيسمعك .. وهيفهمك
4 _ يجبلك شكولاته
5 _ يجبلك ورد
6 _ ياخدك من ايدك ويفسحك .. كأنك بنته الصغيره بالظبط
7 _ يشجعك تصلي .. تقربي من ربنا
8 _ يقول اللي هيعمله ويعمل اللي بيقوله
9 _ يعرف امتي محتاجاه يسمعك .. وامتي عايزاه يتكلم
10 _ يقولك كلام حلو .. متقبليش بواحد متسمعيش صوته غير لو قالك صباح الخير .. ده لو قالها أساسآ
11 _ مش شرط يكون شكله حلو .. المهم ياخد باله من مظهره علشانك .. متتجوزيش واحد بينسي يستحمي وتقولي الحلاوه حلاوة روح
12 _ ميستخسرش فيكي الدقيقتين اللي هيكلمك فيهم وهو ف شغله .. هيفرقوا جدآ معاكي
13 _ دمه خفيف و روحه حلوه .. متتجوزيش واحد يجبلك اكتئاب .. انتي فيكي اللي مكفيكي أقسم بالله
14 _ ياخد باله من قصة شعرك الجديده .. و لون فستانك .. وريحة برفانك .. باختصار يعشق تفاصيلك
15 _ معندوش اي مانع يلف معاكي علي محلات البلد كلها لحد ما تلاقي شوز علي مقاسك
16 _ ميعليش صوته عليكي
17 _ ميمدش ايده عليكي ( مفيهاش نقاش يعني )
18 _ يحترمك ف غيابك قبل وجودك
19 _ لو زعلك يعرف ازاي يصالحك
20 _ ميزعلكيش اصلآ
21 _ يحضنك باحساسه .. يطمن خوفك بوجوده
22 _ يحتويكي
23 _ تفضلي طفله معاه مهما كبرتي
24 _ يكتشف أنوثتك
25 _ ميفصلكيش وانتي قصاده ويقولك ايه ده انتي تخنتي ؟! .. الكائن ده كفيل انه يخليكي تنتحري
26 _يحب مامتك
27 _ يشجعك ع النجاح .. وراء كل امرأه عظيمه راجل برضه
28 _ كريم ف مشاعره وف فلوسه
29 _ يتقي ربنا فيكي
30 _ يغير عليكي من غير شك
31 _ يغير عليكي من غير تحكم
32 _ متتكسفيش تكوني علي طبيعتك معاه .. انشالله تاكلي مانجه قصاده
33 _ يبقي ضهرك وقت تعبك .. وسندك لو وقعتي
34 _ ميدلكيش فرصه تشيلي منه ..
35 _ يعلمك تشتكيله منه ليه
36 _ يخطف قلبك بمفاجأه
37 _ ياخد باله من الدايت اللي بتعمليه .. انشالله يجاملك ويقولك خسيتي وبعدها يستغفر
38 _ يطيب خاطرك بكلمه
39 _ تفضلي ف عينه اجمل بنت ف الدنيا حتي ولو شعرك شاب وعجزتي
40 _ يعرف يطبطب علي روحك .. ودي أهم حاجه علي فكره !