سلام ونعمه
احياناً تلاقى حد يجى يقولك حصل من فلان كذا وكذا .....
بيكون رد فعلك انك بتسمع له وممكن تصدق ..
ومكن تحاول انك ترشدة يتعامل ازاى
ولو حاولت توجهه للصح ممكن يزعل منك
ويتكلم مع شخص تانى ويحكيله عن فلان
لكن مع الأسف دة خطأ بنقع فيه كلنا
بلاش من البداية تسمع من طرف واحد وتصدق
اللى يجى يكلمك عن فلان قله لوسمحت عاتب مع الشخص اللى انت زعلان منه
وبلاش تدخل حد مابينكم ( انا مقدرش أحكم من خلال كلامك لوحدك )
أو زى ما سمعتك لازم أسمع من فلان بردة
حاجة تزعل الكلام فى ظهر بعض والنميمة
ابعد نفسك وعلم غيرك لو زعلان من حد عاتب معاة بمحبة
ولا هى المحبة مش أفعال فى حياتنا اليومية
بلاش نجيب سيرة حد مش موجود معانا
ابعد عن كل فكر وكل كلام يدينك أمام ربنا
ولو حد زعلان من حد او عاوز يتكلم عن حد
قله .. روحى لفلان عاتبة وخليك صريح مع نفسك
او تقولة بلاش نتكلم عن حد مش موجود معانا
قول لصاحبك دخل ربنا فى المشكلة وبلاش تدخلنى او تدخل أى حد
وثق ان ربنا هايقف مع الحق دايماً