[walaa farouk]

نختار حد روحنا رايحه فيه تماماً.. حد عايزين نصحى كل يوم الصبح على وشه ❤
حد عايزين نصحى اصلاً علشانه.. نقف بالساعات في المطبخ في الحر نعمله حاجة بيحبها.. نستحمل تعب اي حاجة عشانه.. الشخص المناسب تماماً اللي نترمي في حضنه بعد يوم طويل تعبنا فيه ❤
حد منتكسفش نتعب قدامه.. نسخن و نخرف قدامه.. نرجّع قدامه!.. نتهزم قدامه.. حد لما مانبقاش قادرين نمشي يشيلنا.. حد يفهم قد ايه الدنيا بهدلتنا و جات علينا.. حد نبقى واثقين انه هايشوف عيوبنا كلها.. كلها! ويحبها ❤ )
نبقى عايزين نعيش معاه حتى بعد ما نموت .. حد نسهر للفجر ندعيله مش ندعي عليه.. حد لما نحس ان الدنيا كلها كرهانا يبقى هو الحضنّ و الحب الوحيد
لما نعيط يفرحنا مش يقول "نكدية" , يبقى عايز كل الناس تشوف حلاوتنا مش هو بس.. يبقى فخور بينا.. كأنه اسعد حد في الدنيا.. حد يحسسنا ان حب الدنيا كله قليل علينا ❤
حد نبدأ معاه صغيرين اوي و نكبر و نبقى أحسن.. حد يحمينا من نفسنا و خوفنا و تعبنا.. حد يكون قادر يقدر علينا من غير ما يكسرنا.. و يعرف كل نقط ضعفنا من غير ما يذلنا بيها
حد يحبنا زى ما احنا كده و بسسسسسسسسسسس