يا حول الله ليه كده بس يا بنتى
امرى لله ابتدى احل الاسئوله
دا انا صدقت ما خلصت امتوحانات يا بنتى
ايه كل ده
نبدأ لأسئلة
1-اسمك المستعار ؟
ماريا
2-سبب اختيارك لهذا الاسم ؟
العدرا مريم طبعا
3-الهوايات ؟
معنديش وقت
4-افضل شهـر بالسنه والسبب ؟
شهر كيهك علشان التسبحه طول الليل
5-حلمك في الحياة؟
اولادى يحققوا اللى مقدرتش احققه
6-أجمل سنوات مرت عليك؟
كل سنه لها جمالها ولها مواقف جميله
7-شخصيتك ( عصبي ، رومانسي ، ....... )؟
هادى (هما اللى بيقولوا ماليش دعوه )
8-اجمل بلد زرتها ؟
اسوان الانتماء لازم يشتغل طبعا
9-لونك المفضل ؟
الازرق
10-من هو مثلك الاعلى ؟
السيد المسيح نفسه
11-ماهي حكمتك بالحياة ؟
كل الاشياء تعمل معا للخير
12-ماالذي يحزنك ؟
لما اشوف ناس بتلوم ربنا على اى حاجه وحشه فى حياتها
13-ماالذي يغيظك ؟
لما الولاد يكركبوا الشقه
14-ماالذي يفرحك ؟
انا اى حاجه بسيطه بتفرحنى
تقدرى تقولى كده انى بتلكك علشان افرح
15-افضل شخصيه في رأيك ؟
البابا تواضروس عجبنى فكره
16-نفسك تقول ايه لربنا؟
خلينى اشهد دايما عنك بتصرفاتى وسلوكى
17-من هم الأعضاء اللي تتمنى تشوفهم؟
كل الاعضاء نفسى اشوفهم
انا شوفت بعضهم صور ويا مسهل للباقى
18-عضو عاجبتك صورته الشخصيه وتوقيعه ؟
ولاء علشان صورتها
19-عضو نفسك تغير اسمه ... ؟
كان عندنا عضو اسمه بيدو توما فكنت فاكره ان بيدو ده دلع زى ميدو لكن هو كان يقصد بيده يعنى بيد الله لكن برضوه مغيرش
اسمه يمكن علشان هو عراقى فدى لغته
وبستغل الفرصه دى واقوله مفتقدينك استاذ عادل
20-عضو نفسك تعتذرله ... ؟
اى حد زعلته من غير قصد فبقوله سامحنى
21-عضو نفسك تقول له ( برافو عليك ) ... ؟
كتيييييييير اوى ناس لهم مجهود واضح من اعضاء واشراف وادمنز
22-ماهو رأيك بالحب ؟
مفيش اجمل منه لأن الله محبه
23- صــف نفســـك بكلمتيـــن فقـــط..!
مقصره فى الفرح المسيحى
24 -مــاهــو الشــئ الذي ندمــت علــي عمـلــــه؟!؟
لا مفيش لأنى مش بتصرف من دماغى ابدااااااا
25 -كـلمـــة تمنيـــــت ان تسـتطيـــع سحـبهــــا؟!؟
اكيد اى كلمة جرحت حد بس بجد مش فاكره حاجه معينه
26 -آخـــر شخـــص تتـــذكــــره قبـــل أن تنـــــام؟!؟
ربنا اكيد واطمن على الولاد وجوزى
27 -جــريمــة تتمنـــي لـــو تستطيـــع ارتكابهــــا؟!؟
يا ساتر يارب انا كيوت خالص
حتى لو فكرت اقتلك قلبى ما يطوعنيش ههههههه
28 -حمـامة زاجـــل حاملـــة رســالة لـك,,,من من تتمنـى ان تكــون؟!؟
من اى حد من حبايبى
29-شخـــص لطــالما حـــلمـــت بــــه؟!؟
مفيش حد معين بحلم بيهم كلهم
30 -دمـعـــه انـذرفــــت رغـمــاً عنـــك؟!؟
يوم شهداء ليبيا
31 -مـوقـــف صــدمــك ولــن تنســــاه؟!؟
فيديو شهداء ليبيا للاسف شوفته وكانت الصدمه مقدرتش انام
32 -شـخــص تتمنــي الإنتقــام منـــه؟!؟
لا بحب اسامح اكتر ما انتقم
33-شــئ او عمــل لا تستطيــع مســامحته؟!؟
لاء مفيش
34-شــئ او شخــص غيــّر مجــري حياتـــك؟!؟
جوازى طبعا غير مجرى حياتى كلها
35-حلم لا تستطيـــع تحقيقه؟!؟
انى اشتغل
36-كلمة تود سماعها كل يوم؟!؟
حاضر يا سلام
37 -طالع رحله بريه من تاخذ معك ؟؟
ولادى وجوزى طبعا
38 - غرق المنتدى ومعك قارب مايشيل الا ثلاثه من تاخذ معك ؟
يا نموت كلنا سوا يا نعيش سوا
سعيده بوجودى معاكى مريوم