أنا عاوز اتجوز أجنبية لأني بحتقر المصريات ؟
نشر شاب مشكلته على احدى صفحات المشكلات على الفيس بوك يقول:"انا شاب عادي جداً كنت بحب واحدة و قربت منها و صارحتها بحبي ليها، بس هي كان ردها اني مش الشاب اللي بتحلم بيه، و حاولت انساها و جربت احب تاني، و للاسف عرفت ان البنات دي سطحية اوي، و كل اللي يهمها الشكل و المادة، المشكلة اني بعد التجربتين دول حاسس ان قلبي مات و بقيت بحتقر البنات فعلاً، و تعاملي اختلف معاهم 360 درجة، مبقاش يفرق معايا حب و لا غيره، بس بعد فترة و لما سافرت اتعرفت علي بنت امريكية و هي اللي حركت فيا المشاعر دي من تاني و احنا بنحب بعض بجد ، و هي عارفة اني راجل شرقي و ان ثقافتها غير ثقافتي و وعدتني انها تحترم ديني و معتقداتي، المشكلة ان اهلي معترضين و رافضين مبدأ الزواج من اجنبيه
و خالي بيحاول يقنعني ان البنت المصرية هي اكتر حد مناسب ليا، و لو صممت هما قرروا انهم ملهمش علاقة بيا لو نفذت الي في دماغي
انا بحبها فعلاً و ناوي اتجوزها و نرجع نعيش في مصر، هل العلاقة مع اهلي ممكن ترجع زي الاول مع الوقت ولا ايه ياريت تفكروا معايا... و شكراً